Tondi ni
Debata Namanogunogu
Jesaya 63:
11-14
Marningot
Pengalaman di ari naung salpu
Huria ni Tuhan na hinaholongan dibagasan
Jesus Kristus,
Jotjot do rupani molo tongon hita dibagasan
hamaolon manang ketidakpastian sai
olo do tubu tu rohanta marningot pengalaman ni ngolu diangka ari naung saulpu.
Isarana, piga-piga ari nasalpu manghatahatai hami dohot dongan na berprofesi songon tukang shoting video dohot pangedit foto.
Dipanghataion i, soluk do angka hamaolon niadopan nasida dung hampir tolu bulan
on dang adong pesta. Massai sorat do tutu. Ditonga ni hamaolon on, marningot ma
nasida diangka taon naung salpu, di bulan lima sahat tu bulan pitu sai tung
godang hian do ulaon nasida ala ni torop ni pesta. Olo do ninna sampe tolu
puluh pesta diadopi sabulan. Mardomu ma i nang ala ni panen. Alai anggo
saonari, tung hirtang ma dihilala ai dang adong boi dipamasa pesta ala ni
Korona on. Ditonga ni hamaolon on, diingot nasida ma hinatabo ni pengalaman
nasida ditaon-taon naung salpu. Jala laos soluk ma disi panghirimon nasida,
anggiat ma pintor hatop salpu Korona on, asa boi muse margareja jala marpestai
angka natorop i. Parningotan tu nadenggan i mangalehon pangapulion dohot hagogoon
nang dinasida asa boi tetap bertahan mangadopi hamaolon on. Suang songon i
manghirim dipangurupion ni Debata manalpuhon Korona on.
Hira songon ima nang na masa dingolu ni halak
Israel na dibaritahon di tonga ni turpuk ta on. Ditonga ni hamaolon dohot ketidakpastian naniadopan nasida,
diingot ma muse pengalaman diparsaoran na rosuk dohot Debata. Tontu berbeda do kontkes
dohot sibonsirina. Mangadopi hamaolon bangso i hatiha i, ndada ala ni panahit
songon Korona, alai ala ni jungkat nasida do maradophon Debata. Didok do di
ayat 10 "alai manggunturi do nasida
jala diarsahi Tondina na badia i; dibaheni marbalik ibana gabe musu nasida,
jala ibana sandiri marporang dompak nasida". Hinorhon ni pemberontakan nasida, gabe diuhum Debata
do bangso i tu habuangan Babel. Jala dung mulak nasida tu Jerusalem diadopi
nasida do huta i ndada songon nasomal be. Nungga lengse nang dohot bagas joro.
Ditonga ni kondisi na songon i, diingot nasida ma pambahenan ni Debata diari
naung salpu i diparmulak nasida sian Misir na niuluhon nisi Musa. Gabe sada
tudos-tudos do i antong tu nanialaman nasida hatiha i, jala laos boi doi
mangalehon pangapuliom dohot patoguhon roha nasida naurupan ni Jahowa muse
nasida. Diturpuk ta on, adong dua gombaran pangaramotion manang panogunon ni
Debata disuarahon nasia; ima marhite si Musa dohot Tondi ni Jahowa.
Panogunoguon
ni Debata marhite si Musa.
Panogunoguon ni Debata marhite si Musa tangkas
do taida diturpuk on na dihatindangkon marhite pandohan "parmahan ni parduan ni birubiruna/pengembala
kambing domba-Nya (ay. 11)". Somal do memang didok bangso i birubiru
ni Debata, jala Debata gabe parmahan nasida. Alai dison parmahan i, dihonahon
nasida tusi Musa. Dohot hata na asing diakui nasida do naung ditogutogu jala
diparmahan Debata nasida marhite si Musa. Diramoti Debata do si Musa marhite
tangan hamuliaonNA(ay.12) laho
manogunogu, manguluhon bangso i ruar sian Misir. Ragamdo nian angka halongonan
na pintupa ni Debata dipardalanan i ditonga ni bangso i. Pigapiga sian ima na
niingot diturpuk on ima: mamboan hita nakkok
sian laut (ay.11); patolak aek di jolo nasida (ay. 12); manogu nasida mamolus
angka pusat (samudera raya) songon hoda di adaran dang tartuktuk? (ay. 13).
Marhite pandohan i, taida ma naso adong naboi mangambati pardalanan nasida
tolhas tu tano Kanaan. Dang adong huaso aha pe naboi manegai sangkap ni Debata.
Dihatihai, laut, aek, dohot angka pusat gombaran do i tu huaso haholomon na maralo
tu huaso panompaaon ni Debata. Tung
marpungu pe sude angka huaso haholomon i, ndada tuk mangambati huaso nang sangkap
ni Debata. Jumpa nasida laut rara dijolo, dipatolak Debata marhite na marsuru
si Musa mangantukkon tukkotna tu aek i, gabe boi nasida mardalan songon hoda di
adaran dang tartuktuk. Tiur jala tulus sude pardalanan i dibolus bangso i. Sada
sejarah halongangan jala sejarah pangaramotion ni Debata do i namambahen goar
ni Debata marmulia (ay. 14b).
Panogunoguon
ni Tondi ni Jahowa
Ndada holan marhite si Musa Debata ro manogunogu
bangso i, alai dohot do nang marhite TondiNA. Didok do Didia Ibana na marsagihon Tondina na badia i tu tongatonga nasida? (ay.
11d). Boi ma aithononta on tu na digutirhon di 4 Musa 11: 17,25 nanilehon
ni Debata tondi nasonggop tusi Musa tu pitupulu halak sintua na tinodona laho
mangurupi ibana laho manguluhon bangso i. Jala laos ringkot do nang taingot
naung jumolo do dilehon Debata TondiNa tusi Musa. Diturpuk ta on, diiuduti do
muse fungsi i Tondi i dipardalanan ni bangso i, ima manogihon nasida tu
hasonangan: ditogihon Tondi ni Jahowa
nasida tu hasonangan/ Roh Tuhan membawa mereka ke tempat perhentian. (ay.14).
Inganan hasonangan i martudutudu tu tano Kanaan na niuarihon ni Debata tu
bangso i. Tondi ni Debata manogihon nasida sahat tu tujuan akhir. Jala laos on
do na niondolhon ni tema ni mingguta di minggu pentakosta on ima Roh yang menuntun. Asa memang taingot ma
hinabalga ni uloan ni Tondi i laho mangajari hita mangulahon lomo ni roha ni
Debata jala na manogihon hita asa tolhas tu tujuan akhir ni ngoluta ima surgo
hasonangan i. Asa ise naung disonggopi Tondi Parbadia mangolu ma dibagasan lomo
ni roha ni Debata. Hataridaan ni halomoan ni roha ni Debata ndada ingkon sai na
spektakuler alai boi tarida do i nang
diangka nabiasa. Dihalomohon Debata do hita mangolu dibagasan pos niroha
dipangaramotionNa. Sialani i, molo pos do rohanta ndang tahuton mangadopi
Korona on sada tanda doi naung mian Tondi ni Debata dingolunta.
Sian dua bentuk panogunoguon ni Debata di
turpuk ta on, tangkas ma taida ia tujuan ni pangaramotion ni Debata tu bangsoNa
ima asa unang tartuktuk nasida di pardalanan jala boi tolhas sahat tu tujuan.
Asing ni i, pangaramotion i do mambahen marmulia goar ni Jahowa
salelengnilelengna.
Pentakosta: Marhaimbaruon
ditonga ni Hamaolon dohot Ketidakpastian
Huria ni Tuhan na hinaholongan dibasagan
Jesus Kristus,
Songon situasi na serba maol jala dang pasti
naniadopan ni bangso Israel di turpuk ta on, songon i do nang situasi na
niadopan ni angka sisean ni Jesus andorang so saor Tondi Parbadia. Hatiha i, tongon do mangadopi situasi na
serba tidak pasti angka sisean i. Natape diida nasida do manaek Jesus tu banua
ginjang, alai godang hahurangan nadidopan nasida. Isarana, ndada halak na
berpendidikan na menguasai buku nabadia songon angka halak Farise. Sian sudut
politik dohot ekonomi ndada halak na berpengaruh nasida. Ndang berpengalaman
dope mengorganisir komunitas, dlan. Memang
dijalo nasida do janji pangaramotion ni Jesus alai ndada pola hantus diantusi
aha do sibaheneon nasida.
Nadiboto nasida ima, mamaritahon barita
nauli, jala paima hasasaor ni Tondi Parbadia. Boa carana mamaritaon barita i,
ndada polo hantus diboto nasida dope. Tung mangadopi jala mian do nasida
disituasi na serba tidak pasti. Alai disituasi na serba tidak pasti, serba
marhahurangan, gok abat abat i do nasida manjalo hasasaor ni Tondi Parbadia.
Hasasaor ni Tondi ima na mengubah ketidakpastian dohot biar ni roha nasida
gabe hagogoon, habaranion, dohot haimbaruon ni ngolu. Hasasaor ni Tondi i ma
namangalengsehon sude abatabat niadopan nasida, songon na dilengsehon Debata
sude abat-abat na niadopan ni halak Israel dipardalanan sian Misir tu tano Kanaan.
Dimasuhi nasida ma tatanan hidup baru songon
istilah nuaeng New Normal. Dapotan huaso ma nasida
marrumanghon hatauon mamaritahon barita nauli diragam ni angka pandohan. Ndada be
holan bahasa Aram, Heber, Gorik, alai saluhut bahasa. Pentakosta dohot jempek
ima momen na mangaloha sekat-sekat ni jolma alani suku, bahasa, asa barita
haluaon i ndada be tarhurung holan dihalak Jahudi/Israel alai tu saluhut
bangso.
Huria ni Tuhan na hinaholongan dibagagsan
Jesus Kristus,
Marhite turpukta on, tung dipaingot do
namanongtong do pangaramotion ni Debata. Pangaramotion ni Debata boi do
diulaohon Debata secara langsung manang marhite perantara, isarana di turpuk ta
on marhite si Musa dohot Tondi ni Debata. Aha siidaonta sian i? ima haradeon ni
Debata rap marulaon dohot hita jolma. Diargahon Debata do nang hadirionta,
alani i, rade do Ibana pajongjong tim kerja. Nangkin nungga dipandar ia na
dilehon Debata Tondina tu tongatonga nasida asa tung adong dongan nisi Musa
manguluhon bangso i. Siala ni i, adong nilai masiurupan, ndada be holan
matemate si Musa, matemate sasahalak mangulahon parsuruon ni Debata. Asa
marhite sian i, molo tapestahon pe nang sadarion ari Pentakosta, paingohtonhita
do i asa rade nang hita rap mangula dohot Debata. Unang masipasombuan alai
masiurupan. Ai dilehon Debata Tondi Parbadia saor tu angka sisean i, asa talup
do nasida gabe sitindangi diualon ni Jesus. Gabe nasida ma tim kerja parbarita
nauli na parjolo jala nanaeng membentuk tim parbarita nauli diangka luat na
asing sahat ma nang tu hita saluhutna. Antong boa, rade do hita na mamestahon
Pentakosta on gabe dongan sauloaon ni Debata marbarita nauli? Tontu marbarita
nauli dipartingkian on ndada terbatas be holan ulaon ni Pandita dohot
parhalado. Alai sude hita gabe parbarita nauli marhite angka ulaonta siganup
ari.
Ditonga ni panosak ni Korona on, tongon do
hita mangadopi ketidakpastian, hamaolon
bahkan adong do na tahuton. Ketiakpastian ni ujung ni Korona on, ketidakpastian ni pemulihan ni situasi
na taadopi, ketidakpastian andingan
do boi hita mangolu tanpa pembatasan di adat dohot parhurioan, sikkola, dlan. Alai mauliate ma di Debata ditonga ni ragam ni
ketidakpastian i, tapestahon do Pentakosta sadarion. Pestakosta sadarion paimbaruhon
hita huhut mangalehon hagogoon laho mangadopi hamaolon nasonson dijolonta huhut
mamasuhi tatanan hidup baru/New Normal
na dicananghon pamarenta. Antong, tanda naung soar Tondi Parbadia, rade ma hita
berkerjasama maralohon jala memutus mata rantai ni virus Korona on. Asa unang
be olo hita pasombuhon holan pamarenta, tenaga medis na berjuang alai rap
masiurupan ma hita marhite na manjaga dirinta ganup jala rade mangulahon angka
sososo ni pamarenta nang para medis pe. Pentakosta
memberi kepastian ditengah beragam ketidakpastian na taadopi saonari.
Kepastian pangaramotion ni Debata dingolunta marhite Tondina naung niusehon
tuganup ngolunta be. Alani i, unang tung gabe gangu, mabiar rohanta manang gabe
madabu tu pandelean. Pos ma rohanta dipangaramotion ni Debata talup do hita
mamolus mara bolon on.
Huria ni Tuhan na hinaholongan dibagasan
Jesus Kritus,
Hasasaor ni Tondi Parbadia tu angka sisean
ujui, mangalehon dinasida huaso, habaranion, dohot kemampuan naimbaru. Alani i,
di situasi na taadopi dipartingkian on, uju tongon hita mamestahon ari
Pentakosta. Sungkun sungkun na ima, haimbaruon aha ma na tajalo sian Debata
dipartingkian on? molo hami marnida sian sudut pandang pelaksanaan ibadah,
margogo jala barani do hita saluhutna patupahon kebaktian dibagasta be. Godang do
naung barani angka ruas manguluhon kebakatian dibagasana be, baik ama nang
songon i ina. Barani jala mampu nang angka ianakhonta parsidohot manghobasi,
isarana manjaha epistel, tangiang pangondianon, dlan. Asing ni i, ditonga ni
hamaolon on dilehon Debata do nang dihita huaso dohot kemampuan na imbaru laho mamangke teknologi laho mamaritahaon
barita nauli. Sude sektor nungga be mar WA grup mambege barita nauli, dohot
marbagi barita. Bahkan, ditonga ni hamaolon namasa on, gabe boi do nang sar
barita nuali sian GKPI Saroha tu luat na asing, ndada be holan ruas ni
hurianta, alai mangerbang tu duru ni hurianta. Marhite na diposting di Youtube
angka jamita dohot renungan malam tontu mambuka peluang do i begeon ni torop
halak diduru ni hurioan. Nang angka dongan gurupe, diparbisuhi Debata do nasida
mamangke teknologi laho mangajari angka siswa baik secara online nang marhite manotopot tu jabu (visit home) naingkon
didokumentasihon marhite video, dlan. On ma rupani saotik haimbaruon dalam
bentuk huaso, habaranion, dohot kempampuan naimbaru nataparsaulihon diombas on.
Marhite i dohonon ma, diramoti Debata do hita manongtong marhite tondiNa
namargogoihon hita tongtong marhaimbaruon. Antong tapapos ma rohanta naramotan
jala togutoguonNa do hita dipardalan ni ngolu on marhamonangan. Natape godang
angka abatabat dijolonta songon bangso Israel alai denggan do bolusonta i tung
sopola tartuktuk. Amen
Tidak ada komentar:
Posting Komentar