KESETARAAN
1 Musa 2: 18-25
Huria ni Tuhan na hinaholongan dibagasan Jesus Kristus,
Mulai sian angka narobi, persoalan kesetaraan tongtong do gabe sada soal na sai dibahas dihasiangan on. Ala sai tandap dope taida angka ketimpangan, dohot ketidakdilan. Mulai sian parrumatanggaon, kesetaraan ni Ama dohot Ina. Di tonga ni huta, parkarejoan, di huria, di politik, diadopan ni uhum, dlan, Dang dung dihalupahon soal kesetaraan on. Bahkan sai diperjuangkan do i baik marhite huria, paradatan, DPR, dohot angka lembaga na mangalehon roha tusi. Natape sai diperjuangkon alai godang do na kontradiktif dingolu siganup ari, baik di politik (kuota 30%), hukum negara (sam di depan hukum), nang huria. Didok setara alai kenyataanna daong. Isarana, ditonga ni huria natape halak na gumodang ro tu parmingguan nang partangiangan, alai anggo na gabe sibuat haputusan/pengambil keputusan di huria i, jumotjot jala gumodang do angka baoa nang Ama. Disada sisi didok do setara alai disisi na asing dang dihangoluhon dope. Tarida do i di kemajelisan ni sada huria. Dang apala piga dope huria na majelisna dos jumlah ni parompuan dohot baoa. Apalagi ma di PHJ, sai jumotjot do di dominasi angka baoa. Parompuan i pe tong dope alang roha na mandok na setara nasida dohot Baoa. Ganup konseling pra nikah, asal husungkun ise do na tumimbo ama do manang na ina, sai sepakat do calon pangoli dohot calon oran mandok: "Ama do Amang", ninna.
Dikonteks ni hukum ni negara, didok do na setara/sama do sude warga negara diadopan ni uhum. Alai, dikenyataanna, jojot do uhum i boi dituhor jala sai na pogos dohot naso marggellok ma na nagabe korban. Alani i, molo dibahen hurianta tema ni minggunta kesetaraan, napatuduhon nasai ingkon diajarhon, diperjuangkan dope kesetaraan on. Tema sadarion naeng ma i taida sian hata ni Debata na gabe turpuk jamita sadarion ima na tarsurat di 1Musa 2: 18-25. Somal do turpuk on diida jala dipatorang marpardomuan tu parrumatanggaon. Alai ndada holan parrumatanggaon na dihatai disi, tung godang do angka mutiha na arga na boi taputihi sian turpuk on sabotulna, alai sadarion naeng pa tafokushon panatapanta hombar tu tema ni mingguta kesetaraan.
Superioritas Dan Inferioritas,
Huria ni Tuhan na hinaholongan dibagasan Jesus Kristus,
Turpukta sadarioan jotjot do dipahami secara berbeda jala laos mangalohai kesetaraan. Sian sudut ni baoa, jotot do turpuk on dipangke laho patuduhon halobian/superioritas ni baoa maradophon parompuan. Sabalikna, penafsiaran ni horoang ni parompuan, adong do na mambahen turpuk on dalan laho patuduhon superioritas ni parompuan i. Nasada mandok, tumimbo do baoa sian parompuan ala: jumolo do baoa ditompa dungi pe parompuan, parompuan pangurupi ni baoa, parompuan ditompa sian rusuk ni baoa. Pihak ni parompuan dang olo talu mandok, toho sian rusuk ni baoa ditompa parompuan i, alai molo tapingkiri ndada tumimbo ma tahe parompuan i sian baoa? baoa ditompa sian orbuk, parompuan sian rusuk ni baoa. Ndada tumimbo inganan ni rusuk sian orbuk? ninna nasida mangogohon hasurungan ni parompuan, dlan.
Hape, molo manat taida turpuk on nang sude bibel na badia i, ndang tingkos duatsa. Ai dang adong na superior dohot na inferior antara ni baoa dohot parompuan, alai setara/sepadan/dos do nasida na tinompa ni Debata. Molo baoa i dijadihon Debata sian orbuk ni tano mamangke tanganNa, parompuan pe dipauli Debata sian rusuk ni baoa i pangke tanganNA (ay. 22). Rap na tinompa ni tangan ni Debata jala rap tumiru rupa ni Debata ( 1 Musa 1: 26-27). Ihut tusi, Sian pandohan dungi dipauli Debata ma borubou (22)...jala di togu ibana tusi Adam (23) taida do na tung mansai arga do nang parompuan i. Napinauli ni Debata, na denggan nasian Debata, master piece Allah, bukan kaleng kaleng. Bahkan molo taida sian hata dipauli, di hata heber didok banah na manggombarhon Debata songon arsitek na merancang dohot membangun. Somalna, di PL, hata bana jotjto do dipangke dalam konteks membuat sesuatu yang ekras seperti kota, menera, mezbah atau benteng. Sian i, soanari on, bana dipangke do laho patuduhon naso tompaan na gale ia parompuan.
Dang Jadi Punjung/Tidak baik seorang diri saja
Turpuk on dipungka do marhite pandohan dang jadi punjung jolma; tidak baik lakilaki itu seorang diri saja. Dia do na denggan? molo adong donganna, ise ma i? parompuan. Dohot jempek dohonon, kehadiran ni parompuan dingolu ni jolma/baoa ima laho mambahen denggan angka na hurang dengan. Pasingkohon na hurang sikkop. Alani i, ingot ma hita, kehadiran ni parompuan ndada tumoru sian baoa, alai dalan ni Debata pasingkop ngolu ni jolma/baoa i. Hata naasing, laho melangkapi. Baoa dohot parompuan, punya hahurangan dohot hasurungan na naeng pangheonna laho saling melengkapi, asa tung denggan sude. Alani i, ingot ma nang hita, baik baoa nang parompuan, Ama manang na ina, tujuan ni kehadiranta dingolu ni donganta, naingkon do mambahen asa singkop jala denggan, unang sabalikna.
Pangurupi bahen donganna; Penolong na sepadan: Mitra Sejajar
Songon naung hudok diginjang nangkaning, jojot do hata pangurupi/penolong diturpukta on dipangke laho patuduhon halobian ni baoa huhut patuturu hadirion ni parompuan. Memang molo sepintas taida, hata pangurupi/ezer agak merendahkan derajat ni parompuan do. Ai dang dung hea uli jala bangga halak molo didok, aha ulaonmu? PANGURUPI. Sai maila jala dang percaya diri halak mandok i. Ala memang jotjot lea idaon jala begeon ni jolma. Alai, sabotulna, molo manat hita mangida, hata pangurupi/penolong ndada boi singkop antusanta malua sian konteksna. Isarana, hubahen majo astuanna, molo madabu sahalak jolma sian kareta, dungi adong na mangurupi ibana jala diboan tu rumah sakit. Ise do na tumimbo, namangurupi i do manang na na namadabu i? tontu dohononta do na mangurupi i do. Sabalikna, di pemerintahan ni negara on, jotjot do tabege ia Menteri adalah pangurupi ni Presiden. Ise do na tumimbo presiden do manang menteri? tontu Presiden do. Dihaporseaonta rupani, jotjot do tadok na Debata do PANGURUPI dingolunta. na tumoru do Debata sian hita? tontu daong. Sian on idaonta ndang boi hata pangurupi antusanta pada dirina sandiri malua sian konteksna. Molo dang, ingkon marbadai do hita. Disada tingki boi do pangurupi lebih tombo sian na diurupi, alai ditingki naasing pangurupi i lebih rendah.
Ido alana, uju dipasahat Debata sangkapna mambahen pangurupi ni jolma i, ndada holan hata penolong/pangurupi dipangke Debata, alai PENOLONG YANG SEPADAN/PANGURUPI BAHEN DONGANNA. EZER KENEGDO. Jala hata pangurupi dison ndada patuduhon martabat ni parompuan, alai laho patuduhon peran/fungsi ni parompuan na secara fungsional melengkapi kekurangan Adam yang kemampuannya terbatas. Sian on ma idaonta, ia parompuan dohot baoa i, SETARA/SEPADAN. Ido binna didik PETER LOMBARD. Perempuan dicipta bukan dari kaki supaya tidak menjadi budak belian; bukan dari kepada supaya tidak menjadi atasan, tetapi dari tulang rusuk/sisi supaya menjadi teman. Jala laos ido na tarida uju ro hita on tarpasupasu, rap mardalan do hita masigandengan. Napatuduhon na dongan na sepadan do hita dohot na niolonta be. Adong do rupani gaitna begeon, aut sura sumurung baoa i sian parompuan i, ra uju ro tarpasupasu ingkon huntion ni parompuan i do bai i tu langgatan i, songon i nang sabalikna.
Dang Sejajar dohot angka pahan pahanan,
Kesejajaran ni parompuan dohot bao, boi nang taida sian ketidaksetaraan manusia dengan binatang. Meski rap tompaan ni Debata do hita dohot angka ragam ni pahanpahanan, jala na ditompa sian orbuk ni tano alai diturpukta on, didok do, dung ditompa Debata nasa ragam ni pahanpahaman jala diboan tujolo nisi Adam, : alai anggo si Adam ndang adong jumpang pangurupi bahen donganna. Dang adong nanggo sada sian angka pahanpahanan talup gabe pangurupi bahen donggana. Alai holan di togihon Debata parompuan i tu jolo nisi Adam, pintor didok do: Inilah dia; onma ibana. Sian pandohan i, tanda do na tung masai terkejut jala las rohana marnida boruboru i (ilustrasi uju manuhor HP). On patuduhon kesejarajan ni jolma i; dohot ketidaksejajaran ni joma i tu angka pahanpahanan. Sian on boi do nang hita marsiajar naso tupa dohonon dongan jolma songon pahnpahanan. Ai olo do memmang binege, natua tua mandok tu nakana/boruna: Bodat; huting, haluang, dlan. Hape dang sadar ibana, namandok i do parjolo gabe bodat, huitng, nang haluang. Alani i bertobat ma hita. jala huhut tahamauliatehon ma tu Debata dang adong nango sada sain binatang i na sepedan tusi Adam. Molo dang, dang hapingkiran ahu, aut sura didok si Adam, sepadan do bodat dohot ibana. Ro ma hita tarpasupasu rap dohot bodat tu gareja> Hapingkiran hamu do i?
Baoa (Isy) dohot Boruboru (Issya)
Hasadaon/kesetaraan ni baoa dohot boruboru boi do nang taida sian pandohan ni baoa dohot boruboru di hata heber songon na tandap taida di turpuk on: On do sahali holiholi sian angka holiholingku, jala sibuk sian sibukku, goaron ma ibana Jolma ni baoa (issya), ala sian baoa ibana binuat (me isy)(23). Andorang so dipauli Debata parompuan i, mandok jolma i dipangke do hata Adam napatuduhon pambuatanna hian ima Adamah/orbuk ni tano. Alai dung dipauli parompuan i, dipangke ma hata Isy tu baoa; Issya tu parompuan i. Mangihuthon Pdt. Prof. Emanuel Gerrit Singih, di artikel Kestaraan Perempuan dan Laki-laki di dalam kitab kejadian 1-3 di bukku Dunia yang Bermahna, on ma napatuduhon hasadaon, kesalingtergantungan, solidaritas, dan kesetaraan ni nasida na dua. Mangihuthon Pdt. Dr Yonky Karman, dibukku Bunga rampai Teologi PL, Ganup digora si Adam jolmana i marhite hata Issya ditingki nasama dijou do nang dirina sandiri ima isy. Sian on ma bahwa perempuan adalah diri sendiri dari Laki laki. Selain itu, Kelelakian dan kepenuhan diri suami ditemukan ketika ia berhadapan dengan istrinya, mitra setianya seumur hidup. Diturpuk ta on, dipatudu do nang ia parompuan i nagabe tujuan ni baoa i: dibahen i, tadingkonon ni baoa do amana dohot inana mangdongani jolmana, jadi sada sibuk nasida (ay.24). Sian on taida ma hasadaaon ni jolma i tu orbuk ni tano menandai kematian, alai hasadaon ni baoa dohot parompuan menandai kehidupan baru.
Si Adam dohot si Hawa, Baoa dohot parompuan do na mewakili sude jolma. Molo setara na dua i dinasa parasinganna ganup, Setara ma nang hita sude jolma di adopan ni Debata natape torop angka parasinganta/halobianta nang hahuranganta ganup. Halobian nang hurangan i, ndada laho patorbang diri manang gabe mambahen merasa rendah diri, alai asa boi do hita saling melengkapi, saling bergantung, bersatu meski mempunyai kontribusi yang berbeda. Dohot hata na asing, ringkot adong shared responsibility, tanggungjawab bersama.
Parpadanan nabadia: Kesetaraan
Sadarion, songon na somal di minggu pertama bulan Oktober dirayahon ganup huria do songon ari Perjamuan Kudus Sedunia. Alai hinorhon ni panosak ni Korona dang boi tarpatupa hita dope ulaon na badia di bagasan ombas on. Nang pe songon i, boi do hita marsiajar mangguruhon tema kesetaraan dohot keadilan sian ulaon na badia i. Uju marulaon na badia hita, ragam do status ni jolma na ro tu gareja, na mora, napogos, nahipas, na hurang hipas, baoa, parupuan, na poso naung malua dohot na matua. Ganup do nang naro i mangalehon pelean na marragam di jumlahna. Alai saluhut halak na ro tu ulaon na badia manjalo roti (daging ni Kristus) dohot anggur (mudar ni Kristus) na sama laho manesa saluhut dosa. Tung boa pe parasingan ni angka jolma i, alai setara do nasida saluhut rap pardosa. Tung boa pe godang manang otik ni peleanna, setara do nasida manjalo daging dohot mudar ni Kristus na sama. Dang tung adong marimbar roti nang anggur i hombar tu hamoraon, umur, parsikkolaan, dlan. On ma nang na patoguhon hita, mangarimangi jala manghangoluhon tema ni mingguta sadarion.
Majelis ni Huria: Mitra na Sejajar/Setara
Huria ni Tuhan na hinaholongan dibagasan Jesus Kristus,
Sadarion, tapatupa do acara serah terima dan pelantikan Majelis ni huria periode 2020-2025 nanaeng mangula manghobasi ulaon rap dohot Debata lima taon tujolo. Tung mnasai tandap do dipaingot Debata hita marhite turpuk jamita on, na setara do hita ganup na adong di kemajelisan ni huria on. Molo pe adong hasurungan ni PHJ ima na bertindak songon koordinator ni pelaksanaan ni program panghobasion ni huria. Marasing be do nian tugas dohot fungsinta di kemajeliasan on, alai sada do ianggo sintuhu na, ima parsidohot hita laho mewujudkan misi ni Debata diportibion marhite huria GKPI JK Saroha on. Marasing be do tugas dohot fungsinta ganup seksi di kemajelisan on, alai ndada adong seksi na lebih " seksi" manang na lobi hebat sian na asing. Si sada hasadaon do hita, songon hasadaan ni pamatang
Sialani i, di tonga ni hamajelisan on, dang boi tung torbang rajumanta na tumimbo jala jumago hita sian na asing. Molo pe adong angka halobianta sian na asing, baik di talenta, habisuhon, hahipason, hamoraon, godang ni ulaon, dang boi dohononta seksita manang dirinta na ujjago, apalagi ma sampe tadok, sega do huria on molo dang disi hita. Molo pe adong halobianta hombar tu pangalehonon ni Debata, ima dalanta laho masitungkoltungkolan jala saling melengkapi. Unang adong na hu di rohana. Ingot ma hita nang di tona ni Tuhan Jesus tu angka siseanna: ”Suang sogon i do nang hamu, molo nungga diulahon hamu saluhut na nidoknai tu hamu, dok hamu ma: Naposo nasohasea do hami; intap ulaon na patut do huula hami (Luk. 17:10). Marhite i, sadia hebat pe hita jala sadia godang pe naung taulahon maribanghon dongan, ingot ma hita saluhutna i, angka na patut taulahon do i. Unang ma marginjang ni roha. Ido nang sososso tu dongan Majelis periode 2015-2020, sadarion nungga sun be diulahon hamu na tinonahon ni Debata tu hamu marhite tugas kemajelisan, talup ma hita mandok mauliate jala taingot ma mandok:" Naposo nasohasea do hami; intap ulaon na patut do huula hami"
Alani i, marilah sebagai satu tubuh yang berbeda tetapi setara, kita saling mendukung dan mendoakan, dan jauhkanlah sikap yang memperkeruh persoalan. Persoalan ahape na adong di huria on, ingkon marsidu jala marsigulut do hita laho patotahon dohot pademakkon. Unang sabalikna marsiadu/marsigulut laho pamohophonsa. Dalan tusi, jotjot do ingkon hansit taae, ingkon olo hita patalu roha, pingkiran, mengorbankan waktu, perasaan dohot sinadonganpe. Unang pola tarajumi nanaeng pasintong diri alai rade mahita masijangkonan dinasa parasingan na
Marhite sikap sisongon i, talup do Majelis naung dilantik nangkaning, satahi saoloan, rap mangankat tuginjang manimbung rap tu toru, dalan laho pamajuhon/pahembangkon panghobasion di huria on Ingot ma hita somgon si Adam dohot si HAwa, ganup tahatai donganta di Majelis on, namanghatai dirinta sandiri do hita disi. Alani i, manat unang tung olo hita mnaghatai apalagi ma manjehehon sesama dongan majelis di tonga ni huria, Apalagi ma molo tahatai donganta majelis laho paias diri manang patimbo diri. Ai na manghatai jala manjehohon dirinta sandiri do hita disi. Panghobasion dohot angka na denggan do sipahembangon ndada angka na humurang nang parsoalan. Ingot ma hita, laho pajonhjong gareja on, dibutuhkan do piga piga taon jala torop halak. Alai laho mangaloha/manutung gareja on, boi do sahalak jolma jala satangkarisap. Alani i, tapahotma rohanta Majelis ni huria rap dohot ruas ni huria asa manongtong hita di horong ni halak na pajongjong jala padimun pardalanan ni huria on, ndada halak na masuk tu horong ni na mangaloha manang na manutung huria. Ingot ma hita, baik ama nang ina napinauli ni Debata do hita, jala na denggan sian Debata do hita on. Alani i, tapatarida ma na pinauli ni Debata do hita marhite na pareak angka na denggan di huria on marhite kemajelisan nang parsaoran di huria. Amen
Tidak ada komentar:
Posting Komentar