Khotbah Minggu 24 September 2 Samuel 9:1-8 (KEPEDULIAN TERHADAP DISABILITAS)

 

KEPEDULIAN TERHADAP DISABILITAS

2 Samuel 9:1-8

Huria ni Tuhan na hinaholongan dibagasan Jesus Kristus,

Datung adong nanggo sahalak jolma na sorang tu hasiangan on dihalomohon gabe halak na pampang dohot na marhahurangan /disabilitas/difabel. Sai tapangidohon do asa tung jolma na sikkop hita secara fisik nang psikis pe. Ala so dihalomohon halak, gabe laos jotjot do angka dongan na marhahurangan/disabilitas/difabel gabe dipasiding jala hurang dijalo halak bahkan diangap hailaon dohot haleaon ditonga ni keluarga dohot angka parsaoran. Ido alana jojtot do ditabunihon di kamar angka na marhahurangan on molo ro tamu, dang apala dipaboa i tu natorop molo soapala diboto naro i namasa dijabu i. Sabalikna, halak na marhahurangan/disabilitas/difabel pe gabe merasa minder jala dang percaya diri. Hape, boi torop do masa angka na marhahurangan i, baik na mapitung, nanengel, retaardasi mental, maol marsiajar, dlan tong do adong angka halobian nasida. Adong do na hurang dipamerengan alai tung mansai pistar. Dibangsonta on taida do i misalna rupani di amanta Gusdur. Simaloongna na do na humurang, alai anggo roha dohot parbinotoaanna tung mansai tiur do. Godang do nang halak maol manghatai/ngungu alai malo manggombar/melukis dlan. Alani i, sabotulna tung ingkon peduli jala taargahon do angka dongan na marhahurangan/disabilitas on dingolu siganup ari, songon tema ni mingguta sadarion ima :kepedulian terhadap disabilitas.

Tema ni mingguta on, naeng taida sian barita nisi Daud na mamparhamaol si Mebiposet, anak ni si Jonathan, pahompu nisi Saul, na pampang pat na duatsa, hinorhon ni namadabu ibana rap dohot parorotna uju maporus nasida sian istana laho paluahon diri sian musu (2 Sam 2:4).

Pajolohon holong ni roha ni Debata: Marojahan sian Holong.

Huria ni Tuhan na hinaholongan dibagasan Jesus Kristus,

Hal na parjolo na ringkot sipareahan jala siparsiajaran sian si Daud di turpukta on ima, haradeaon ni ibana patupahon jala marojahan tu holong dohot asi niroha ni Debata. Dua hali disungkun Raja Daud aut adong dope jolma tadingtadingan ni raja Saul, jala dipaboa do aha alasanna ima:  asa hubahen asini roha tu ibana, ala si Jonathan; asa hubahen asiniroha na sian Debata? (ay.1,3). Tangkas ma dipatudu na pinajolo nisi Daud di ngoluna ima ASI NI ROHA. Asi ni roha na sian Debata do talup mangonjar ibana laho mangulahon aha naung jinanjihonna hian. Dang lupa ibana dipadan napinatupana dohot si Jonathan ima: naso tung tostosi asi ni roham sian pinoparhu ro di salelengnilelengna (1 Sam 20:15). Natape, tontu taboto do boa hansit ni pambaehnan ni ompu nisi Mepiboset, ima si Saul tu si Daud. Pola do disangkapi roha nisi Saul naingkon mate si Daud ala ni biar nirohana sotung disoluk si Daud harajaonna huhut ala ni pangiburuonna tusi Daud. Hinorhon i sangkap ni raja Saul i, pola do ingkon maporus sia Daud sian Istana jala martabuni di halongonan. Marpindapinda ibana rap dohot angka paranganna asa unang tung dapot nisi Raja Saul nian ibana.

Hasintongan dohot unduk nisi Daud tu Debata nungga nean tarida sian pambahenanna tusi Saul. Ai tung adong pe kesempatan diibana laho pamatehon Raja Saul dang dung diulahon ibana i. Ala dirajumi si Daud na nimiahan ni Debata do raja Saul i (1 Sam 24). Dipatuduhon si Daud do naso olo ibana patujolohon hansit nirohana mida raja Saul. Ndada olo ibana mambalos dendam. Tung dipatujolo ibana do asi ni roha ni Debata dohot haunduhonna tu hatontuan ni Debata. Jala nang pe nungga mate raja Saul jala nungga gabe raja si Daud dang tung muba ibana dipangalaho i. Memang, godang do halak na gabe muba molo dung hundul di harajaon. Jala somalna dihatihai, diperpolitikan ni angka raja, ganup raja na baru marharajaon, sai dipasiap do sude angka pinompar ni raja na nigantina ambetak tung gabe pemberontak i na mengancam harajaonna. Alai sahali nai andul marasing do anggo si Daud. Hot do ibana di padan jala dang mose. Saurdot do hatana dohot pambahenanna. Dilului ibana pinompar nisi Saul ndada laho pamatehon alai laho manjangkon jala mamparhamaol. Bahkan didok do diturpukta on naingkon sapanganan si Daud dohot si Mepiboset (ay.7). Tung dianggap si Daud do ibana gabe sada sian sisolhotna, ai holan sisolhot ni raja do naboi talup sapanganan dohot raja. Uju dang dipaboa si Siba goar ni si Mepiboset, ala maila nasida jala naeng ditabuhinon goarna i (3), disi do diboan si Daud si Mepiboset tu duru bahkan tu inganan na terhormat. Jala ta botodora nang rodibagasan ombason, halak nasapanganan ima halak na masihaholongan, marsada, jala masiantusan. Ai dang dung hea tabo mangan dohot halak naso nihalomohon ni roha. Jala sada tanda do molo sogo rohanta tu halak, dang tung olo hita rap mangan dot ibana. On ma na nidokni Debata kasih menutupi segala pelanggaran (Amsal 10:12; 1 Pet. 4: 8).

Sian pambahenan nisi Daud boi do nang marsiajar hita ia tung godang pe hape hajahaton nang pandohan na jahat na nidok ni sasahalak manang godang halak tu hita, tung so talup do i mambahen hita gabe halak na jahat. Perbuatan atau ucapan jahat seseorang atau orang banyak kepada kita tidak layak untuk menjadikan kita menjadi orang jahat. On ma na tung ingkon ta renungkon jala taparsiajari laho mangulahonsa. Tung boa pe halak manghansiti jala manjahati hita, unang ma i mambahen hita gabe halak na jahat. Tung boa pe adong angka parasingan ditonga ni ngolunta, termasuk ma dihita na baru simpul patupa pemilihan majelis, molo pe adong angka perbedaan manang mungkin adong hita on na masihasitan, marsiajar ma hita songon si Daud, narade tongtong sapanganan dohot halak na manghansiti hita. Sapanganan dison ndada holan rap mangan, minum, marende, alai sisada panghiolalaln tujuloan on, dung talup hita masisalpuan angka na humurang. mamparaek na denggan tujoloan ni ari. Jala ingot ma hita, songon na binahen nisi Daud, jala na niajarhon ni Tuhan Jesus uju na diburi nai pat ni angka sisean i, ingkon halak na tigor/sintong/nanihansitan i do nagabe pioner ni pardenganon i. Pioner ni halak na menggagas asa sai tongtong sapanganan hita on. Maol do i? tung na maol do i alai nungga dipatuduhon si Daud na boi do i taulahon molo tapajolo asi niroha nang holong ni Debata di ngolunta ganup. Aha ma dasorni i? ima holong ni roha dohot asi ni roha ni Debata.

Manjangkon dibagasan holong: Paulak Arga diri Pamago biar ni roha

Huria ni Tuhan na hinaholongan dibagasan Jesus Kristus,

Sada sian godang persoalan naniadopanni angka na disabilitas ima rendah diri, maila, merasa marlea, dlan. Ido alana sai jotjot nang nasida tahuton. Hal nasama pe masa do dingolu ni si Mepiboset. Taida ma i sian pandohanna tu si Daud: " tung ise ma pola ahu naposom, umbahen pola dompakononmu biang namate songon ahu on?´( ay. 8). Nungga tung mansai bagas nian na hinangkan ni i. Dipasarupa ibana dirina tu biang na mate, naso marguna jala naso mararga, natumagon ma nian mate daripada mangolu, marlea alai tung di argahon si Daud. Pampang duatsa patna, mate sude sisolhotna, arata nang hasonangan naniaena uju mangolu ompungna dohot bapana nungga suda. Tung parir ma tutu parniahapanna. Alai dihaholongi jala dipatau si Daud do Ibana dikondisina i. Ditogu jala diangkat si Daud do harkat dan martabat nisi Mepiboset. Pola do sapanganan ibana dibahen. Tindakan nisi Daud nanaeng paulakhon harga diri, kepercayan diri, dohot martabat nisi Mepiboset nungga tarida dipandohanna unang ho mabiar, ai ingkon bahenonku tuso asiniroha ala ni amangmu si Jonathan (7). Hata unang ho mabiar ima sada formula ni pandohan ni Debata tu angka na marhagaleon. Tindakan naparjolo dibahen si Daud ima pamagohon roha biar jala roha na minder sian si Mepiboset. Jala laos ido nanaeng sibahenonta tu angka na disabilitas, pamago biarna jala unang sai minder.

Pandohan nisi Mepiboset dohot pambahenan ni raja Daud on ma nang tudutudu tu haleaon dohot hapariron ni hita jolma pardosa na diargahon jala dipalua Debata. On do nang sekaligus gombaran ni holong niroha dohot kepedulian  ni Debata tuangka donganta na difabel/disabilitas. Allah memang tidak mungkin cacat, tetapi Dia mengasihi orang yang cacat. Allah bukan disabilitas tetapi Ia mengasihi orang disabilitas. Bahkan Ia yang sempurna itu, mau menjadi manusia yang tidak sempurna supaya Ia dapat menebus dan menyelamatkan manusia. Dihata na asing boi dohonon  Allah tidak mungkin cacat, tetapi orang cacat juga citra Allah. Alani i, molo dihaholongi jala dijangkon Debata do angka na disabilitas, napampang, namapitung, na down sindrom, talup dope hita nang huria pasiding nasida sian parsaoran ni huria nang sian tonga ni keluarga pe? Dao ma i, na manulak citra ni Debata do hita disi. Alani i, tahaholongi jala tahringkothon ma memperdulikan orang disabilitas.

Solidaritas napajaehon/Memandirikan

Huria ni Tuhan na hinaholongan dibagasan Jesus Kristus,

Godang do halak na mengangap ia ulaon kepedulian tuangka na disabilitas sae ma i marhite na mangaelhon angka pangurupion na bersifat karitatif. Isarana, mangalehon boras, dengke dohot angka ragam ni kebutuhan na asing. Dang salah i nian, alai olo gabe madabu tu parange ketergantngan  angka na disabilitas i. Alani i, ringkot do tapahembang panatapanta dinamangurupi nasida asa tung boi nian nasida manjae/mandiri dingoluna. Asa pangjangkonon Solidaritas, dohot empatinta tu angka na disabilitas nang ma nian marujung tu kemandirian nasida. Diturpukta on, taida do i sian pambahenan nisi Daud. Ndada holan dijangkon ibana si Mepiboset di istana, dibahen dongan sapanganan, alai udut tusi dilehon si Daud do aha nagabe hak nisi Mepiboset. Diturpuk on didok ma Ingkon paulahonku tu ho sude golat ni si Saul, ompuni/aku akan mengembalikan semua ladangSaul, nenekmu kepadamu (7).

Sian hukum warisan, tontu, hak nisi Mepiboset do sude arta ni ompungna i, ai ibana do pewarisna. Dison ma taida haulion ni roha nisi Daud naso olo ibana mambuat naso hakna, sabalikna mangalehon tuganup halak aha nagabe hak na. Bahkan diudut ni turpuk on di parentahon si Daud do asa diula si Siba naposona i, tano i sude asa tunga dong hangoluan ni anak nisi Mepiboset (9-13). Tung diharingkothon si Daud do asa unang gabe ketergantungan si Mepiboset nang pinomparna sogot tu istana, alai talup nasida manjae, marhite aset na dikelola dohot denggan. Ai memang, sada na tung mansai borat siadopan ni kaum disabilitas ima kemandirian. Ai jotjot do tabege pandohan disituan natorop molo tung adong na marhahurangan di humaliangta. "Eee, boi ma i annon ake molo nungga marujung ngolu natorasna i? olo do sisolhotna hulaning mangurus i?"

Pola solidaritas dohot kepedulian na marujung tu panjaean/kemandirian on do nagabe sintasinta ni negara marhite angka parsingkolaan SLB naadong di bangso on, suang songon i nang angka lembaga sosial ni gareja, isarana HEPATA ni HKBP manang Yapentra na dikelola ni GKPI. Di Yapentra, menurut Jan S Aritonang, dibukku, mereka juga citra Allah, misalna, dikembangkon dua program ima: 1). Pendidikan Multi Disability Visual Impairment (MDVI) dohot; 2) Pendidikan Inklusi. Pendidikan MDVI mencakup kurikulum fungsional yang membuat peserta didik mampu memiliki pekerjaan, membantu diri, berkreasi dan berkomunikasi. Jala  Molo taida do Lampiran ni Permeneg PP &PA No. 12, di taon 2011 naung salpu bangsonta on nunnga meratifikasi Convention on the rights of Persons with Dissabilities ni PBB marhite UU No. 19 taon 2011 na mewajibkan negara untuk memenuhi hak-hak penyandang disabilitas, meliputi hak untuk bebas dari penyiksaan atau perlakuan kejam, tidak manusiawi, merendahkan martabat manusia, bebas dari eksploitasi, kekerasan, dan perlakuan sewenangwenang, serta memiliki hak mendapatkan penghornatan atas integritas mental dan fisiknya berdasarkan persamaan dengan orang lain. Termasuk didalamnya hak mendapat perlindungan dan pelayanan sosial dalam rangka kemandirian, serta keadaan darurut.

Molo manat taparatetatehon hak ni kaum disabilitas  na nihangkam ni UU no 19 taon 2011 on, ido na nang niulahon nisi Daud tusi Mepiboset. Alani i, tung ingkon taharingkothon do laho memerdulikan disabilitas on. Unang tung adong hita na maila molo adong sisolhotta na disabilitas. Sabalikna taurupi nasida asa tung dapottan haka baik pambohalion di pendidikan, jasmani, dohot partondion, asa tung boi nasida tujoloan on gabe halak na mandiri. Lumobi ma di hurianta on do kepala sekolah ni SLB di Kabupaten on, taurupi ma nang nasida diulaon mangurupi disabilitas on. Molo negara pe nungga peduli tu kaum disabilitas, songon i ma nean  nang huria. Unang ma gabe ditulak dihuria angka disabilitas, sabalikna ingkon tung ramah do gareja tu nasida. Tu ari na mangihut ro, tong nama ingkon pingkiran ni huria on, boa do asa mura akases ni disabilitas boi nagkok tu lantai dua on, apakah marhite seksi kesehatan naparade kursi roda, dohot seksi pembangunan na parade jalur ni kursi roda asa unang nean adong halak sundat ro margareja asa dang talup nakkok tu lantai dua on. Asing ni i pingkiran ni seksi diakonia ma kontribusi positif ni huria tu angka halak na disabilitas on dingolu siganup ari. Jala dao ma nang sian hita parange na mengekploitasi angka dongan na disalbilitas songon na godang masa di luat perkotaan.

Antong huria ni Tuhan, tapajolo ma holong dohot asi ni roha ni Debata dingolunta sian holong tu diri jala naringkot di hita. Taurupi ma nang angka donganta na marhahurangan malua sian roha na tahuton, minder, jala dang percaya diri, tajangkon ma nasida dibagasan holong ni roha ni Debata. Unang tung tatulak manang tahailahon nasida ai dang tung lomo rohana songon i ibana, sabalikna tajangkon ma nasida dibagasan empati dohot solidaritas na mangurupi nasida tu kemandirian. Asa unang gabe sai halak na marsigantung tu naasing nasida, alai ingot ma nang nasida marsigantung tu Debata. Amen.