Jamita Minggu Palmarum

Tomu Ma Rajam Naro

(Johannes 12:12-19)

 Huria ni Tuhan na hinaholongan dibagasan Jesus Kristus,

Huria ni Tuhan, tung andul do ra panghilalaanta molo tung adong donganta na dirujuk sian rumah sakit Doloksanggul on tu rumah sakit di Medan ala ni posang ni parsahitonna dungi godang halak jonjong di sepanjang dalan rumah sakit marsurak-surak marlas ni roha paborhat ibana. Molo masa songon i, nungga donghonnta be nga senu huroa jolma on. Nga sala be pangantusion ni jolma on. Marlas niroha manaruhon halak manopot hasusaan na. Songon i ma namasa di Minggu Palmarum.

Sadari on masuk ma hita tu minggu Palmarum, di na marningot hita na dibongoti Jesus Jerusalem andorang so diparsilangkon Ibana jala saminggu andorang so hehe Ibana. Di minggu Palmarum on tung patar do paradoks/kontras dihaporseaon ni halak Kristen. Di minggu-minggu Passion, songan na tadalani saonari, diontang do hita asa mangarimangi parsorion dohot pengorbanan ni Jesus sahat tu hamatean-Na. Alai di sisi na asing, ditogihon do nang hita marningot dohot manomu-nomu parsorion dohot hamatean-Na i dibagasan gok ni las niroha. Jala kontras sisongon i do na tagombar uju dibongoti Jesus Jerusalem. Ro do Jesus tu Jerusalem laho menyongsong hapariron dohot hamatean dengan kepala tegak, dengan sikap dan penampilan sebagai Raj dame dengan segala kesederhananNya, namarsihujdul di anak ni halode. Jala ditomutomu do ibana dibagasan las ni roha songon na nalnal taida diturpuk ta sadarion ima Johannnes 12:12-19.

Di na bongot Jesus tu Jerusalem tung mansai godang do halak na manomunomu Ibana. Sian dia do natorop i?  Porlu botoonta, adong tolu pesta na balga di halak Jahudi ima Paskah, Pentakosta, dohot Pondok Daun. Ganup pesta Paskah sai marroan do sude halak Jahudi sian pangarantoanna be tu Jerusalem. Sialani i, tung mansai ribur do huta Jerusalem mandapothon huhut saleleng pesta Paskah. Tamba ni i, nungga tarbarita na dipahehe Jesus si Lazarus sian namate. Alana i, tung mansai torop do halak ma nomu nomu ibana di dalan i. Deba mai nasian Betania, deba muse angka naung di Jerusalem hian.   

Huria ni Tuhan na hinaholongan dibagasan Jesus Kristus,

Adong piga hal na ringkot siparateatehononta sian turpukta sadarion ima:

1.      Maremare. Molo diversi ni Injil Matius dohot Lukkas dohot do nang angka ulos ni natorop i diopampekkon didalan siboluson ni Jesus. Alai dison holan Maremare do na pinambuat ni jolma i laho manomunomu Jesus. Ia maremare i simbol ni hamonangan maralohon musu dohot nasionalisme do di halak Jahudi. Alani i, hirim ni roha ni natorop ima asa tung dipalua Jesus nasida sian tangan ni Romawi. Dalam konteks ni Jesus, maremare i simbol ni hamonangan maralohon dosa dohot hamatean. Asing ni i, songon warna ni maremare na ijo jala maol melos tudutudu do i nang tu simbol ni hangoluan.

2.     Hosianna. Laho manomunomu Ibana huhut dijoujouhon: Hosianna! pinasupasuma naro marhite goar ni Tuhan i, Raja ni Israel. Hata Hosianna marlapatan do i palua ma saonari. Pandohan pinasupasuma naro marhite goar ni Tuhan i ima na nienet sian Pslm. 118:25,26 songon psalmen hamonangan. Dohot hata na asing ditomu-tomu natorop i do Jesus tarsongon Mesias nanimiahan, penakluk jala na marhamonangan secara politis. Marlas niroha do nasida, hape dang diboto nasida andorang so siparmonang Jesus i, ro Ibana tu Jerusalem laho mangadopi haporsuhon dohot hamatean do. Di Lukkas 19:41 didok do jala mandapothon huta i, tangis ma ibana marnidasa. Patuduhon habot ni rohana. Jala laos nasida do na parsidohot mamparsilangkon Ibana di ari jumat na i. Sadari i digorahon nasida Hosana,  lima ari namangihut digorahon nasida Parsilangkon Ibana. On ma sada ciri ni dasor mangihuthon Jesus naso sintong, ala dang mewujud haparan nasida gabe kenyataan. On ma ala marasing pangtusion di hamesiason ni Jesus.

3.      Tung so adong do marsuara Jesus saleleng ditomutomu natorop i Ibana. Hinorhon ni torop jala guntur ni jolma i, tung so talup do antong Jesus mandok manang na aha. Diantusi Jesus do kondisi i, alani i diajari jala dialusi Jesus do hirim ni roha nasida di Mesias Politis i nasida marhite tindakan simbolik (simbolic way) ima marhite na manghunduli sada halode (ay. 14-15).  Marhite na hundul Jesus di halode i marlapatan jala tudutudu do i tu: Naparjolo, Ia Jesus  ima Mesias hombar tu na tarsurat di Zakaria 9:9 namandok ...Unang ho mabiar, boru sion: ida ma, Rajam do na ro, marsihundul di anak ni halode". Napaduahon, Halode jotjot do dilapati songon simbol ni hadameon, nanaeng patuduhon ia haroro  i Jesus songon raja jala Mesias ima asa gabe Raja hadameon ndada Raja lao marporang. Mesias na padamehon Debata dohot jolma marhite hasesaan ni Dosa ndada Mesias politis na paluahon nasida di tangan ni Romawi. Napatoluhon, Halode tututudu do i tu haserepon ni roha. Haserepon ni roha ni Jesus.

4.     Dang diantusi nuaeng muse pe asa diantusi. Dang pintor sude natorop i, termasuk angka sisean ni Jesus mangantusi tindakan simbolis napinatupa-Na i.  Ai pingkiran nasida hatiha i digohi histeria dohot euforia diharoro ni Mesias hombar tu pingkiran jala gombaran ni natorop i, ima Mesias politik, nanaeng paluahon nasida sian tangan ni Romawi. Dung pe marsangap/hehe Jesus asa boi diantusi angka sisiean i pambahenan ni Jesus i namartudutudu tu natarsurat i do i (ay.16).

5.     Mangihuthon jala manindangi. Ditonga-tonga ni natorup i adong do naung mengihuthon Jesus mulai sian Betania, uju na pinahehe nai si Lazarus. Rupana, dinamangihuthon Jeuss i laos dihatindanghon nasida do pambahenan ni Jesus na manjou jala pahehe si Lazarus sian na nate (17)). Jala laos hinorhon ni ido gabe ditomu natorop Jesus (ay.18). Umbege panindagion nasida i do, gabe taronjaor roha ni jolma natorop i mangida jala manomu ibana. Ai molo boi dipahehe Ibana si Lazarus, tung talup do Ibana paluahon hita sian Romawi, ninna roha nasida.

6.     Tung naso haambatan ni portibion do huaso ni Debata. Tung so marhagogon do angka parise i mangambati natorop i pola didok nasida diida hamu do, naso marniula na binahen muna, ai liat portibion do paihutihit ibana (ay. 19). Nungga tung godang usaha ni angka siboto surat dohot Parise lao manegai ulaon ni Jesus alai, peristiwa di minggu Palmarum i, diakui nasida ma naso tung marniula sude pambahenan nasida i ai gumogo do daya tarik ni Jeus sian nasida.

Huria ni Tuhan na hinaholongan dibagasan Jesus Kristus,

Ahama naboi tauhun dingolunta siganupari sian turpuk ta sadarion, sian peristiwa habobongot ni Kristus tu Jerusalem? Taida ma jo songon hahohanan ni turppuk on dingolunta:

1.    Habaranion ni Jesus na sumalim. Natape nang apala adong tangkas taida diturpuk ta on, alai tung naso boi do lupahononnta habaranion ni Jesus mamasuki haberniton dohot hamatean di Jerusalem. Tung mansai tenang (jala dang olo sumurut) do Ibana tumopot haporsuhon dohot hamatean i. Habaranion nasumalim na pinatuduhonna i laos tudutudu do i nang tu holong nirohana nasumalim (tiada bandingan) tu hita jolma. Ndada na mangalului (mencari-cari) haporsuhon Jesus, alai molo tung inghon dalanan-Na i laho manggohi sangkap haluaon ni Debata, tung naso lari manang mangelak Ibana. Songon i ma nang hita, ndada na mencari-cari haporsuhon hita manang papujipuji haporsuhon. Alai, molo tung inghon dalananta haporsuhon i laho mangulahon hasintongan huhut mampartahanhon hasatiaon ni haporseoanta, tung so tupa mabiar hita.

2.        Tenang jala Demak mangadopi parsorion na masa dohot nanaeng masa. Ditonga di panosak ni Korona sisaonari on, ragam do na boi parsoalan na masa. Atik pe ndang sahat dope i tu hita, alai dampaknya tung sahat do dingolunta. Di ekonomi, diparsaoran, partondion, dlan. Ra, adong do nang hita namanagamnagam angka na humurang ambetak tu marhaganjangon Korona on. Hea do rupani binege pandohan ni angka ina. "Molo pola songon on sabulan nai, olo do susa saluhut bangso on. Aha be allanon ni jolma on", dlan. Memang nungga tung taadopi na maol saonari on, jala tupa naeng adopanta dope hamaolon dohot haporsuhon na asing. Alai marhite turpukta sadarion, tatiru ma Tuhan Jesus na tenang, demak, jala barani mandalani jala mandapothon haberniton i. Alani i, laos tagam ma rohanta diharoro ni pangurupion-Na asa unang tung mabiar hita. Songon lapatan ni maremare naung dipatorang diginjang mangolu ma hita, unang mura melos, rata ma tongtong haporseaon, pikkiran, roha nang tondinta. Ditonga ni panosak ni Korona on didok hata ni Debata tuhita Unang ho mabiar...Rajam do naro, marsihundul di anak ni halode. sai na Ro ma Debata mangurupi jala paluaohon hita.

3.        Sintong ma dasor ni haporseaonta mangihuthon Jesus asa unang tung mura munggil. Unang ma nean hita on songon natorop na manomu Jesus, hirim ni roha nasida asa paluaon ni Jesus nasida sian Romawi alai holan so digonopi hinirim ni roha nasida, munggil do haporseaon nasida jala gabe laos dohot nasida mandok Parsilangkon Ibana. Molo dasor ni haporseanta mangihuthon Jesus asa dapotan ragam ni pasupasu, isarana pandaraman, hahipason, dlan pos ma roham molo so dapotmu i, pintor tinggalhononmu do Jesus i. Nang dipanosak ni Korona on, molo holan asa malua sian Korona on do tahaporsea i Ibana, satongkin do ihuthononmu ibana. Ndang sai torus natahirim dioloi Debata. Alai nadumenggan i sai dipasut Debata. Jala orang beriman bukan untuk memuhi hasrat dan keinginan diri sendiri tetapi memenuhi dan menghidupi kehendak Allah. Alani i, naeng sintong panandaionta di Jesus ima Mesias jala Raja.

4.    Sai adong do na salah mangalapatai ngolu nang pambahenanta. Songon peristiwa na niadopan ni Kristus, laho manopot hapairion dohot hamatean do Ibana alai natorop i, ala so diantusi nasida, gabe marlas niroha. Marhite seruan las ni roha i, digoda nasida do asa tung olo Jesus gabe raja nasida. Alai pujian dohot suraksurak ipe dang talup pataluhon Jesus  mandalani haporsuhon i. Olo do nang masa songon i dingolunta on. Andul marasing jolma natorop mangalapati manang mananggapi namasa dingolunta, pikkiranta, pambahenanta, dlan. Alai marsiajar ma hita tu Tuhan Jesus, nasopola muruk jala nasopola sumurut. Fokus ni Jesus ima pasauthon ulaon-Na di hasiangan on. Fokus ni Jesus ima tujuan-Na ro tu hasiangan on, ndada tanggapan ni hasiangan on. Alani i, marsiajar ma hita fokus tu tujuan ni ngolutta unang tu na humaliangta, unang tu haporduhon nang las ni roha pe. Natape, dang boi hita cuek tu nahumaliangta.

5.    Mangalapati saluhut angka na masa. Malo ma hita mangarajumi dohot mangalapati namasa ditonga ni ngoluta. Asa manang na aha pe nasama isarana kegagalan, panosak ni Korona songon sinuaeng, sai boi taputihi lapatanna dingoluta. Asa unang nean salpu na salpu laos so adong marlapatan dingolutta. Boi dapotna makna manang lapatan ni angka na masa dipudian ni ari molo tung dang haru boi sada roha nang piikkiranta dipartingkian on mangarajumi i. Songon angka sisean i naso mangantusi tindakan simbolis ni Jesus manghunduli halode i. Alai dipartingkian na berikutna, ingkot boi di dapotta lapatan ni angka namasa, termasuk ma Korona on. Aha do makna ni peristiwa on di hita secara pribadi, keluarga, huta, gareja, nang bangso on? Asa dang sae holan na manjalo jala mangadopi namasa on, alai ingkon sahat do hita tuna talop memaknaisa.

6.    Mangihuthon Jesus jala gabe sipanindangi. Panindangion ni huaso ni Jesus na talup pahehehon na mate, ima nang na mampargogoihon hita mangadopi panosak ni Korona on. Molo talup Ibana pahehe namate, talup do nang Ibana pahehehon hita sian hagaleon dinamasa on. Jala songon siihuthon Jesus hita, ingkon rade ma hita gabe sitindangisa, marhite hata nang pambahenan pe. Lumobi ma nang dipartingkian sisaonari on. Panindangion ta iboi do marhite angka tangiang, sikap hidup, alai laos boi do nang marhite pangurupion tu angka dongan. Haradeon ni Jesus mandapothon haporsuhon dohot hamatean laho paluahon hita na hinaholonganna, ima nian na mangonjar rohanta laho pasahathon huhut merayakan hangoluanta dibagsan kebersamaan dohot Kristus ma solider, sapanghilalaan dohot angka na pogos,namarhaporuhon, jala dirgak mangadopi penolakan dohot insak-insak. Tahamualiatehon na haradeon ni Jesus i marhite na mangolu hita dihaserepon, hadameon, hala rade manghobasi naringkot didongan

7.    Dang Talup huaso nang hagogoon ni hasiangan on mangambati sangkap ni Debata. Tung boa pegogo ni panosak ni Korona on, tung so talup doi mangambati sangkap ni Debata di ngoluta saonari nang diari nanaeng ro. Alani i, pos do rohanta na sangkap nadenggan do sangkap ni Debata jala tung naso muba i alani korona on.

8.    Hadameon dohot toruk  ni roha. Pangkorhon ni viru korona on, salah satuna hudia hami, ima mura naik dara tinggi, mura muruk, jala mura tarpanjing asa marbada. Torop do halak gabe naeng mangasahon hajagoanna. Marhite turpuk taon, sisosohon do tuhita asa gabe siboan jala siulahon hadameon hita singkat ni hamuruhon dohot parbadaan. Martoruk ni roha ma hita sama hita diangka na mangulahon angka tugas dohot tanggungjawabta be. Unang terpancing emosi. Alai sai marhalambohon ma. Di hari Minggu Palma marilah kita ingat bahwa hidup beriman tidak mesti gegap gempita dan tidak selalu harus berteriak ’haleluya’. Kedalaman spiritualitas tidak tergantung pada hal-hal seperti itu, tapi pada keteguhan hati untuk tetap setia dalam keadaan apapun.

9.    Parpudi sahali, di minggu palmarum on unang ma nian taihuthon pangalaho ni natorop i, na satongkin marapiapi mamuji Jesus alai laos mura mamparsilakkon JEsus. Tungs emangat do beribadah alai dang manghiromon ngoluna. Satongkin songon na saleh,  alai mura muba gabe jahat. Oleh sebab itu mari kita teladani sikap Yesus yang tetap tenang namun hatinya mantap dalam menghadapi semua cobaan. Amen.