Tangiang
pamujion dohot hamauliateon ni roha tu Debata
(1 Kronika/1 Tawarihk
17:16-27)
Huria ni Tuhan na hinholongan dibagsan Jesus
Kristus,
Jotjot do ra nasinangkapan nirohanta ndang
tulus dingolu on. Isarana tasangkapi laho mambahen kolan ikan lele di pudi ni
jabumemanfaathon lahan kosong, hape dang ditolopi keluarga gabe sundat ma. Molo
di hutia on isarana hombar tu program naung nisangkapan ni hurianta, sadarion
hian ma pamasaonta Sidang Umum Jemaat periodisasi. Hape dang boi tapatupa ala
ni Korona on.Boa do panghilaannta? heado hita martangiang mamuji Debata ala
dang saut natasangkapi i? agak maol do ra taalusi i ate. Boa do
manghamauliatehon sangkap nasundat?
Huria ni Tuhan, sadarion masuk ma hita tu
minggu rogate na marlapatan "martangiang". Paingohthon hita
dihinaringkot nitangiang dingolu ni naporsea. Asa memang tangiang ndada boi
halupahononton digolu ni naporsea. Ai jotjot do diok rupani doa adalah nafas hidup orang percaya.
Asa humurang do panghilallan ni naporsea i molo so martangiang. On ma nanidok
ni Martin Luther jangan berdoa ketika
sempat, tetapi sempatkanlah berdoa. Dohot orat labora, bekerja dan berdoa. Ragam do memang tujuan dohot
pangkorhon ni tangiang. Adong do martangiang ala las niroha manang jut niroha.
Tangiang boi do dalan mamuji Debata, alai laos boi do dalan mangidohon sipangidoan
tu Debata. Tangiang boi do nang gabe dalan manungkoli dongan na tongon dibagasan
hamaolon, dlan. Alai molo maratangiang mamuji Debata natape sundat na
sinangkapan ni roha, asa parange na agak jarang do on taida.
Diturpukta sadarion, dipatarida do boa
naporsea i tongtong ro tu adopan ni Debata natape adong sangkapna naso tulus.
Turpukta sadarion 1 Kronika 17:16-27 ima tangiang hamauliateon ni si Daud tu
Debata ala nihinabalga ni pambahenan ni Debata dingoluna nang keluargana,
natape tongon adong sangkap nirohana ndang dipatulus Debata. Diginjang di
turpuk ta on, di ayat 11-15 dipatorang do nagabe latarbelakang ni tangiang on.
Dirajumi si Daud do nahurang suman molo tinggal ibana dibagas nauli/istana na sian hau ares alai poti
parapadanan mian di undungundung. Disangkapai ibana ma pajongjong bagas joro
jala dipaboa i tu panurirang Natan. Alai marhite nipi dipaboa Debata tusi Natan
asa huhut dipaboa tusi Daud naso diloas Debata si Daud patulus sangkap i. Alai
pahoton ni Debata ma anakna pajonjong bagas joro i huhut pahot harajaon ni
pinompar nisi Daud (ay. 11-14).
Umbege i, unduk do si Daud jala marlasniroha.
Masuk ma ibana tu bilutna jongjong diadopan ni Debata laho martangiang mamuji
pasangap Debata. Sian i, boi taida ndada holan ala naso saut sangkap na gabe
martangiang si Daud alai ala tung mansai balga do dirajumi rohana bagabaga ni
Debata tu ngoluna nang pinomparna pe. Dang saut sangkapna pajongjong bagas joro
uju dingoluna alai pasauton ni Debata do i marhite pinomparna. Jala laos dibagagahon
Debata dao ummbalga sian na sinangkapan ni si Daud. Ima hahotan ni harajaonna
dohot pinomparna. Asi ni roha ni Debata na hot di ngoluna nang dingolu ni
pinomparna muse. Ido mangonjar ibana antong martanginag mamuji Debata.
Mananda diri
Mananda Debata dalan mamuji Debata
Huria ni Tuhan na hinaholongan,
Mangarajumi huhut manghamauliatehon hinabalga
ni pambahenan ni Debata dingolu dohot keluargana hundul ma si Daud di adopan ni
Debata martangiang. Ditangiang na i, ditanda do dirina na tung metmet di adopan
ni Debata. Natape di bangso i, songon raja, ibana na ma na umbalga jala na
sumangap. Alai anggo di adopan ni Debata tung metmet do ibana. Serep do rohana
maradophon Debata. Dang dipangasahon harajaon dohot hasangaponna. Molo dilehon
Debata pe pasupasu nabalga i di ibana dohot pinomparna, nda tung i mambahen
gabe marginjang ni roha. Alai tung dipatutoru do dirina marhite namandok :
"tung ise ma ahu pola, ale Jahowa
Debatangku, jala tung ise ma pola anggo pinomparhu, umbahen tung diboan Ho ahu
sahat tu son? (ay.16). Pandohan on patuduhon las niroha, kekaguman nisi Daud dipambahenan ni
Debata. Dang tung talup nean rohana ingkon songon i balga ni pambahenan ni
Debata tu ibana, pola dibagabagahon taringot tu napahot harajaon ni pinomparna
salelengna. Ai haru boi ibana sian parmahan gabe raja ni Israel nungga tung
balga hian dirohana. Hape naeng tambaan ni Debata dope ai paotik hu dope i di
mata ni Debata (ay. 17).
Bagabaga ni Debata na balga i mamboan si Daud
mananda dirina di adopan ni Debata. Marhite i ma tung dihamauliatehon huhut
dipuji Debata. Daud mengucap syukur atas
janji jaminan keberlanjutan wangsa Daud. Menurut si Daud haroro ni ragam ni
angka nadenggan i tu ibana nada ala ni dirina alai ala ni Debata na mananda
ibana, jala na buas mangalehon denggan basa tu ibana nang keluargana pe. Menurut
si Daud dang tung adong be naboi behenonna pasangap Debata ala ni hamuliaon
dohot denggan basa ni Debata tu ibana. Alai laos dihaporseai si Daud do na
tinanda ni Debata Ibana ( ay. 18). Dison ma tung tangkas taida hatorason ni
haporseaon, disaluhut na jinalona sai martangiang tu adopan ni Debata. Dang
gabe muruk ibana ala dang saut sangkapna alai unduk do tu natinontuhon ni
Debata. Asa tung saluhut panggulmiton ni ngolu on gabe tangiang huhut pelean
diadopan ni Debata.
Huria ni Tuhan na hinaholongan dibagasan
Jesus Kristus. Laos pangarajumion dohot roha mauliate songon si Daud on ma na
tung boi nian tapanghilalahon dingolunta nasa huria. Dua hali hita patupahon
program MANARUHON LAHO MANARIHON tung tangkas do diurupi Debata hita. Molo tung
pe dibulan April nasalpu ingkon ditambai kas jemaat saotik laho mambagi sembako
tu 70 KK nungga tung mansai las roha disi. Alai lam tamba ma las niroha nang kekaguman tu Debata, di bulan Mei on boi
muse tapatupa program nasama tu 120 KK jala luar biasanna dang pola ingkon
manambai sian kas jemaat, harui pola do adong dope lobina. Tamba na manjalo
laos tamba do nang namangalehon. Tung ise ma nian Huria GKPI JK Saroha on pola
tung diboan jala dipatalup Debata hita patupahon i? Ndang naung tung balga
denggan basa ni Jahowa di huria on? Patut ma tutu inghon pujion ibana, natape
songon naung tadok nangkin adong do sangkapta naso boi tapatupa sadarion ima
pemilihan majelis naimbaru. Manongtong ma hita mangarangguthon Debata dibagasan
tangiangta siganup ari natape tongon mangadopi ragam ni hamaolon hita on
saonari.
Huria ni Tuhan na hinaholongan,
Dung ditanda si Daud dirina di adopan ni
Debata, ditangiang na i ihut do nang dipatorang ibana panandaionna di Debata.
Tung dirajumi si Daud do saluhut angka namasa saguru di Debata jala laos Debata
do na pabotohon i tu angka naposona naporsea (ay.19). Marhite i dihatindangkon
ibana ma naso adong nanggo sada tudoshon Debata jala ndang adong debata na
asing dungkon Ibana. (20). Dohot hata na asing, sian naung diida jala dibege
ibana dang adong debata na tinanda ni si Daud nasumurung sian Debata Jahowa. Dang
adong na talup mangimbangi hinabalga, hinagogo, dohot hinaburju ni Debata.
Hagogogon dohot haburjuon ni Debata tarida do i diharadeonna tuat laho paluahon
Israel jala mangain nasida gabe bangsoNa (21). Marhite panandaionna i do na
mangonjar ibana marsihohot manghaporseai huhut manghaposi Debata dingoluna,
lumobi ma nang dihapartogionna songon raja ni Israel.
Dua
Pangidoan nisi Daud ditangiangna
Huria ni Tuhan na hinaholongan dibagasagan
Jesus Kristus,
Songon somalna sada tangiang, sai adong do
pangidoan dibagasanna, suang songon i do nang si Daud. Dung dihamualiatehon
ibana denggan basa ni Debata huhut dipuji ibana Debata sian nasa hadirionna,
dipatutoru dirina jala dipatimbo Debata, roma ibana mangido sipangidoanna:
(1) Dipahot
Debata bagabagana tu Ibana nang keluarga. Tangkas
ma i tarida dipandohan: "Antong ale
Jahowa sai pahot ma hata naung pinorbagabagami tu naposom taringot tu
pinomparna sahat rodi salelenglelengna, jala bahen ma hombar tu na
pinarbagabagami! Tontu las situtu do rohana naudoton ni Debata do harajonna
marhite pinomparna. Alani i, ditolopi si Daud ma sangkap ni Debata i, jala
dipangidohon ma asa Debata ma na pasauthon bagabaga i. Ai dang talup si Daud pasauthon
sian hadirionna, ingkon Debata sandiri do. Namenarik dipangidoannna on, ima
tujuan ni ibana boasa dipangido pahoton ni Debata napinargabagaNa i, ima asa lam timbul GoarMu rodi salelenglelengna jala
asa hatindanghonon ni angka bangso pambahenan ni Debata tu si Daud (ay. 24-26).
Tujuan ni tangiang na i ndada asa lam balga jala marsanagap raja Daud i, alai
tung asa marmulia do Debata. Fokus ni tangiang na i ima Debata ndada dirina
sandiri. Debata do naeng dipabalga jala dipatimbul ndada raja Daud sandiri.
On ma ra naboi tatiru, ai jojtot do tangiang
ta holan na mamingkirhon na ringkot dirinta. Jala alani i jotjot do hita
martangiang nionjar ni ala adong na ringkot dingolunta on. Isarana, ringkot
pandaraman, sirongkap ni tondi, hahipason, dlan. Molo dang adong naringkot dang
martangiang. Turpuk on paingothon hita asa sai dungo martangiang uju adong na
ringkot nang so adong pe. holan mandok mauliate, mamuji jala pasangap Debata. Marhite
pangantusion sisongon i, tanginag tai ndada be laho mamaksa Debata, alai
pasahathon saluhut tu hinalomohon ni Debata. Asing ni i, marsiajar ma nang hita
patujolohon hasangapon dohot hamuliaon ni Debata diangka tujuan ni tagiangta
unang ma tu dirinta sandiri
(2) Dipasupasu
Debata ngoluna. Ditutup si Daud ma tangiang na on marhite na mangidohon tu
Debata asa dipasupasu Debata ngoluna. ai tung mansai pos situtu do rohana "ai manang ise na pinasupasum ale Jahowa, ima
dapotan pasupasu ro disalelengnilelengna". Dirajumi do ia mual ni
pasupasu i holan Debata, jala manongtong do nang pasupasu ni Debata. Pasupasu sian
Debata tung marragam do. Boi doi dalam bentuk hahipason, hagabeon, pandaraman,
hasangapon na tajalo manang taparsaulihon. Alai pasupasu ni Debata boi nang aha
tapasahat jala tahangoluhon, isarana roha na unduk/satia tu Debata, holong ni
roha na polin tu Debata nang tunahimaliang, dlan.
Alani i, molo masihol hita diragam ni
pasupasu tapangido ma tu Debata unang ma tu na asing. Molo siholan hita di
parsalpu ni Korona, siholan hita dihagooon mangadopisa, roma hita hundul
diadopan ni Debata mangidohonsa dibagasan haserepon ni roha. Unang tung laho
hita tu hagggon ni hasiangan on. Songon adong rupani nadiari Kamis i tarjaha
ahu barita di sada luat, lari sahalak pasien Korona sian rumah sakit asa laho
marubat tu datu. Dampakna, gabe laos dohot ma datu i positif korona. Tamba ma
soal
Huria ni Tuhan na hinaholongan dibagasan
Jesus Krisrus,
Hombar tu program naung nisangkapan ni
hurianta, sadarion hian ma pamasaonta Sidang Umum Jemaat periodisasi. Ima
sidang umum jemaat nanaeng mamillit PHJ dohot anggota majelis naimbaru tu periode
2020-2025. Nungga piga-piga hali diawal ni taon on, sahat tu bulan Maret naung salpu
sai tatangianghon sangkapta on. Hape hinorhon ni Korona ndang boi tapatupa saonari
ala ingkon dibagasta be dope hita patupa parmingguon. Boa do hita marnida
penundaaan on? boa do hita marnida naso saut sangkapta i? Mauliate ma di
Debata, ai tongon turpuk jamita on mangajari hita asa unang gabe mandele, muruk
hita, alai sabalikna tapuji ma Debata, ai adong do sangkapNA na ummuli di huria
on. Natape dang haru patar ta antusi aha i dibagasan ombason, alai pos rohanta
na dumenggan do na pinarade ni Debata natape sundat periodisasi tapatupa.
Ditingkina lehet do boi tapatupa i jala mangkorhon nadenggan. Alani i, songon
si Daud na tontong mamuji Debata natape ndang ditolopi sangkapna songon i ma
hita rade mamuji ibana natape sundat sangkapta i. Natape tung godang angka
nasotaantusi dohot naso tahirim na masa dipartingkian on unang ma gabe lupa
hita manapui huhut manghamauliatehon angka na denggan na pinarade jala pinatupa
ni Debata. Ditonga ni panosak ni Korona on boi ma tong hamauliatehon isarana
haburjuon ni Debata marhite angka na rade mangurupi hita. Tahamauliatehon dope
nang haradeon ni tenaga medis nang pamarenta na marsitutu asa tung hatop salpu Korona
on. Alani i, marsitutu ma nang hita manalpuhon Korona on, marhite na manjaga
diritta asa laos dohot tajaga donganta. Tahamauliatehon
dope boi hita marsaor di ganup keluargata be, boi rap mangan natape ra deba
nungga adong naingkon jolo marhoi. Dibagasan roha mauliate ima tasolukkon
pangidoanta namarragam i tu Debata. Amen
Tidak ada komentar:
Posting Komentar